Krzysztof Turzański - Sława Umińska-Kajdan

2024-10-20

Zmarł Jerzy Komor, znany jako Jorguś Rzympoła

   “Jo Jorguś Rzympoła – w cywilu Jerzy Komor – urodziołech sie – no ja – tego sie pewnikym domyślocie, ale niy wiycie, że dwiesta metrow łod Radia Piekary juz doś downo. Niyftorzi – mi życliwi – padajom, co cowiek tak dugo niy żyje”… Jerzy Komor znany był wszystkim z audycji “Jak Ślązok ze Ślązokym”. W 2007 roku wydał “Jorgusiowy szpas”, czyli zbiór śląskich opowiadań “poważnych tekstów w śmiesznej polewie”. Jego Jorgusiowy Kabaret uświetnił niejedną biesiadę, festyn, czy karczmę piwną. Statuetkę Piekarzanina Roku otrzymał w 2010, a ja miałem przyjemność ją wręczyć.

Miał 84 lata. Nabożeństwo żałobne zostanie odprawione w Kościele Św.Trójcy 24 października o godzinie 9.00. Po czym następi odprowadzenie na cmentarz parafialny w Szarleju.

Wyrazy współczucia dla rodziny i najbliższych. Będzie nam Go brakowało, jego humoru, pogody ducha i życzliwości.

Jerzy Komor tak pisał sam o sobie:

Jo Jorguś Rzympoła – w cywilu Jerzy Komor – urodziołech sie – no ja – tego sie pewnikym domyślocie, ale niy wiycie, że dwiesta metrow łod Radia Piekary juz doś downo. Niyftorzi – mi życliwi – padajom, co cowiek tak dugo niy żyje…

We ochronce zech marzoł coby łostać emerytym. Społnioło mi sie to po śtyrdziestu lotach roboty na grubie i wtedy zaconech sie osobowo realizuwać w cym srogi udział miało narodzynie sie Radia Piekary. Moja – niyznano mi – cecha osobowości polegająco na naśmiywaniu sie ze wszystkigo (zacynając łod siebie) znodła ciepło akceptacjo śród Hanysów i Goroli tu na Śląsku pomiyszkujących.

Toz coby do imyntu niy zgupieć na pynzyji poconech zabawiać roztomiłych suchaczy wytworami moigo śmiysnego pomyślonku.

Nojprzod bez prawie trzi lata zabawiołech suchaczy we radioku i gości na roztomaitych biesiadach mit ze mojym – nowo poznanym przocielym – Andrzejem Misiem. Szło nom to doś spolegliwie.

Ślubu – póki co – to my niy wziyni, bez co my sie podzielyli bezembrionalnie i kożdy zacon żyć na własno modła.

Wymyślołech dalszo radiowo przigoda wiyść „Jak Ślązok ze Ślązokym” ze pozyskanym do tego pomysłu przocielym z lot downych, obecnych i prziszłych: Edkiem Przybyłkiem, wtoregoch łokrzcioł jako Edka Tyrpały. Niy mioł nic przeciwko tymu.

Szło nom to grajfnie a wrodzono we Edku – vis comika – przidała ciepłych na wskroś śląskich kolorów naszym godkom. No ale, że cowiek nigdy niy powiniyn być do końca rod ze swoich spraw, brakło nom we naszym bawiyniu smutnych (casym) krajanow głosu kobiycego i kobiycy ręki moralności ludowy. Tak to narodzioła sie powtornie moja jedyno ukochano cera krzcono Ewa, a we radioku i kaj indzi – Cila. W takym sielnym zespole łobsprawiyli my juz suchaczy bez mała coś ponad trzista razy. To co my robiyli nosioło jak sądza znamiona kabaretu, toz ze podpowiedzi suchaczy nazwali my sie „Jorgusiowym Kabaretem” a że Jorgusiowym, bo jest mój ze dwojgym udziałowcow. Jesce niy momy kontraktu ze NFZ-tym, ale lycymy – póki co za darmo – żyjąco populacjo ludzi pomiyszkujących na naszy ukochany Ziymi Śląski.

To by było na tela. Jak mie zawrzom we hereście to przecytocie ło tym na tym internetowym blacie. I miyjcie sie w zocy wyży napisano mondrość:
„Wto sie śmieje, tyn dugo żyje,
a wto dugo żyje, tymu niy ma nic do śmiychu!!”

Jorguś Rzympoła a priwatnie Jerzy Komor